मेदनकरवाडी | मानवी कवटी आढळल्याने खळबळ

July 17, 2024

चाकण | - पुणे नाशिक महामार्गावर जुने नीलम एग्झिकेटीव्ह व नवीन चाकण ग्रँड हॉटेलच्या पाठीमागील बाजूस एक मानवी कवटी मिळून आल्याची धक्कादायक घटना बुधवारी १७ जुलै २०२४ रोजी सायंकाळी सातच्या सुमारास घडली आहे. या बाबत परिसरातील नागरिकांनी तातडीने पोलिसांना माहिती दिली आहे. सदरची कवटी पुरुषाची असल्याची प्राथमिक माहिती समोर आली आहे. या भागात एक जमिनीचे प्लॉटिंग सुरु आहे. त्याच भागात सायंकाळी अचानक ही मानवी कवटी दिसून आली. सायंकाळी उशिरा सदरची घटना उघडकीस आल्याने घटनास्थळाची पाहणी करण्यावर मर्यादा आल्याची बाब समोर आली आहे. दरम्यान सदरची कवटी अन्य ठिकाणाहून कुत्र्यांनी या भागात आणली असल्याची देखील शक्यता व्यक्त होत आहे. घटनास्थळापासून काही अंतरावर एक पारधी वस्ती आहे. पोलिसांकडून परिसराची सकाळी कसून तपासणी करण्यात येण्याची शक्यता आहे. कवटी मिळून आल्याने मृतदेह लगतच्या भागात असण्याची शक्यता आहे. संबंधित कवटीच्या डोक्यावरील केस लहान असल्याने ही कवटी पुरुषाची असल्याची सांगण्यात येत आहे. चाकण पोलीस व गुन्हे शाखेकडून या बाबतचा तपास सुरु आहे.

Recent Politics News

Download App

This article was generated using the WeReport app, download today and create your own article!